「TVB小花」同太子爺騷恩愛，做18萬蛋糕慶祝紀念日

「TVB小花」王灝兒（JW）憑借同衛蘭合唱一首《男人信什麼》成功走紅，橫掃多個樂壇大獎，不過近年嚟，王灝兒嘅事業相對低調，反而愛情桃花朵朵開。

王灝兒嘅歌壇事業時好時差，但佢同卓悅太子爺葉韋彤相戀三年幾，仲冇考慮結婚問題，更加冇打算奉子成婚。

不過王灝兒一早認定對方係終身伴侶，亦早已融入葉家，兩人愛得甜密。喺疫情期間，王灝兒到一間烘焙店上堂，學整蛋糕氹太子爺男友。

王灝兒更搞搞新意思，將呢排人氣潮牌Supreme X Oreo嘅曲奇，并改良成為巨型肥美蛋糕版。

雖然有豪門男朋友經濟支撐，不過王灝兒同吳千語一啲唔同，佢完全唔靠男朋友，佢表示自己買唔起高達18萬嘅正版曲奇，唯有花心思整蛋糕版。

做完蛋糕之后，王灝兒喺社交平臺肉酸留言：「我買唔到最潮嘅Supreme Oreo俾我嘅愛人，所以我整咗一個Supreme Oreo蛋糕俾佢，正唔正先？」

卓悅太子爺葉韋彤一見到貼文，簡直秒回，大贊王灝兒係甜甜的女友，兩個人更公開喺網上傳情，大騷恩愛。