「TVB小花」陳詩欣憑住《3日2夜》人氣急升，令佢一度成為網民熱論嘅对象，除此之外又為佢帶嚟咗唔少工作同商機，深得廣大廣告商嘅青睞。
呢日陳詩欣以一件頭泳衣上陣，喺沙灘擺晒甫士，雖然玩「封咪」，事業線真係唔見有，但白滑玉背同又圓又挺嘅「優質股」一樣搶分！
陳詩欣留言話：「宜家冇著泳衣嘅勇氣，希望我過多兩個月會有！」講到咁猶豫，唔少網民齊齊為佢打氣，猛讚佢索到爆，仲話唔影水着照，真係嘥晒咁話！
講到陳詩欣，其實佢喺2010年出道，當時參加模特兒比賽攞到冠軍嘅佢，獲得Jam Cast嘅賞識，并成功簽約喺旗下成為一個模特兒。
2011年，陳詩欣又參加FACE USTAR大專校花校草大選，最后攞到亞軍嘅佢人氣極高，深受網民熱捧同關注。
2012年起，陳詩欣開始參演電視劇演出，佢為香港電臺先后拍攝咗幾部單位劇集，作品包括《DIY2K》、《手語隨想曲Ⅱ》、《機電夢飛翔》等，形象都開始入屋。
直到2017年，陳詩欣正式轉投TVB旗下繼續發展，并陸續亮相喺TVB多個綜藝節目中，同時又加盟處境劇集《愛回家之開心速遞》，喺劇中佢演Suki一角，未知各位網民有無印象呢？
Like MisshkNews Facebook！不出门也能知天下事～
