「TVB小花」入行14年緋聞纏身，新劇表現亮眼！

「TVB小花」龔嘉欣喺《大醬園》嘅表現亮眼，引來唔少網友大贊佢演技再次進步，其實龔嘉欣呢幾年喺TVB嘅表現日漸向好，早年奪得「最佳女配角」之後更畀TVB力捧。

可惜，龔嘉欣自從出道以來一直緋聞纏身，有感情、有是非、甚至有做第三者嘅傳言，令到佢形象唔係咁好，跟住落嚟，我哋一齊回顧佢嘅演藝路，其實佢絕對係一個畀忽略嘅好演員。

龔嘉欣喺16歲嗰陣就已經出道，當時佢係擔任雜志模特兒，而且相信佢立志要加入娛樂圈，所以讀完中學之後就報讀香港演藝學院戲劇學院，讀咗一年就畀TVB睇啱簽約成為「TVB親生女」。

龔嘉欣畀TVB睇啱嘅原因，係因為當時佢參與TVB劇集《盛裝舞步愛作戰》演出時有亮眼表現，得到TVB賞識。

2008年就係龔嘉欣進入TVB嗰陣，佢嘅緋聞就開始，第一個同佢傳出緋聞嘅係關楚耀，當時關楚耀同衛詩拍緊拖，龔嘉欣畀話係第三者。

同年，龔嘉欣再次傳出緋聞，被指介入港姐冠軍張舒雅同補習天王男友趙永康（David）嘅戀情，而網上更爆出龔嘉欣同David嘅親密相。

2009年，龔嘉欣有機會拍旅游節目《日本東北咁過祭》，同行嘅仲有周國賢、麥浚龍同王淑玲。

呢次旅游傳出龔嘉欣漏夜前往周國賢嘅酒店房間，但周國賢不為所動，返香港之後更向經理人投訴，而TVB亦警告龔嘉欣，當時喺網上鬧到都好轟動。

2010年，龔嘉欣因為拍攝《隔離七日情》而同鄧健泓撻着，多次畀傳媒影到，而佢哋亦大方承認，呢次係龔嘉欣入行唯一一次承認嘅戀情。不過兩年後龔嘉欣宣佈分手，佢接受傳媒訪問嗰陣強調冇第三者。

龔嘉欣入行短短幾年就已經畀緋聞纏身，其實佢喺劇集中都有出色演出，包括《誰家灶頭無煙火》、《愛·回家》、《幕後玩家》、《誇世代》、《平安穀之詭穀傳說》、《大醬園》。

不過喺舊年，龔嘉欣又有緋聞傳出，今次就唔係感情事，而係同一齊拍攝《大醬園》嘅朱晨麗傳出不和，龔嘉欣喺社交平臺留言暗示朱晨麗玩大牌，而朱晨麗不甘示弱對傳聞發起回擊。

雖然龔嘉欣嘅演技愈嚟愈好，但如果仲維持咁樣嘅緋聞量，絕對唔係好事，睇嚟要好好控制。