曾經畀TVB力捧嘅「TVB小生」沈震軒（Sammy），外形演技歌喉都相當有潛質，較早時喺《使徒行者》中飾演臥底連浩勤（KOBE）一角更令佢人氣急升，加埋電影方面都一套接一套，前途看似一片光明。
但沈震軒喺2015年拍完《性在有情》之後就未有再接劇，有傳因為唔續約而畀TVB雪藏。
2017年沈震軒轉投太陽娛樂并同時北上發展，2019年年底沈震軒喺社交平台宣佈簽約邵氏兄弟，并準備積極向歌影視發展。
離巢三年嘅沈震軒，曾經多次表示樂意再同TVB合作，有傳佢上月尾以部頭形式回巢拍劇。對此沈震軒接受訪問嘅時候表示：「我跟住係會同TVB有合作，真係會開拍新劇。」
不過當問到回巢原因、以及加薪等問題嘅時候，沈震軒就話，其實仲有好多細節都冇確實，并表示有好消息嘅話，將會盡快同大家分享。
其實沈震軒效力TVB八年期間，參演超過五十套劇集，可惜一直冇機會上位，甚至因為續約問題而畀雪藏，今次係佢離巢三年回歸拍劇，相信大家一定好期待佢嘅演出！
Like MisshkNews Facebook！不出门也能知天下事～
