「TVB小生」自稱勁過林峯畀雪藏，而家換新女沖喜博大翻身！

「TVB小生」胡鴻鈞（Hubert）自從2017年喺《降魔的》飾演石敢當一角之後人氣急升，劇集一套接一套，穩坐星夢一哥之位，胡鴻鈞嘅事業原本順風順水。

但今年中胡鴻鈞突然畀傳態度囂張，自夸勁過林峯，因此就畀公司雪藏，連本來計劃八月舉行演唱會，也改由菊梓喬頂替。

一個人當黑嘅時候，真係有好多嘢都預計唔到，就好似胡鴻鈞一樣，《降魔的2.0》一場吊威吔戲份嘅時候，因為由高處墮下撞到頭部，導致腦震蕩要休息兩個月，畀雪藏加埋受傷。

胡鴻鈞唔洗做嘢嘅日子會做乜，梗係要揾一個人陪伴一下，亦因此傳出佢搭上蔡思貝。

唔講唔知道，原來係余德丞撮合佢哋嘅，雖然胡鴻鈞同蔡思貝曾經合作拍攝《衝線》同《降魔的》嘅游戲節目，但私底下冇聯絡。

咁啱胡鴻鈞呢幾年同余德丞撈熟咗，而余德丞又成日同蔡思貝出雙入對，就係噉嘅關係，胡鴻鈞同蔡思貝見面機會增加咗唔少。

未有工作安排嘅胡鴻鈞，利用呢段時間搬屋轉換環境，佢由本來居住何文田，搬去將軍澳日出康城，除咗要搬屋，佢仲換咗新車，加埋有新女友。

睇嚟，胡鴻鈞霉運好快就完結，當然啦，胡鴻鈞同TVB嘅合約明年就屆滿，佢期待《降魔的2.0》出街之後，希望劇集受歡迎從而翻身，所以呢段時間，拍拖調劑一下就最好不過。