「TVB小生」自爆太太喺屋企養胎，等陣公布BB性別

「TVB小生」羅仲謙同楊怡因為拍攝《OnCall36小時》嗰陣結下情緣，兩個人喺2016年結婚，結婚四年之後兩個人較早時喺社交平臺宣佈有喜，預產期為今年5月份，而準爸爸羅仲謙好開心期待鼠寶寶嘅來臨。

羅仲謙仲透露太太楊怡而家留喺屋企養胎，記者問到太太佗B期間有冇作嘔不適？羅仲謙指太太冇呢啲，多謝大家關心。

記者問到係咪已經幫寶寶改咗名，羅仲謙指而家仲冇改，要先問下長輩。記者再次問到係仔定係女？羅仲謙坦言已經知道性別，不過之後先會公布。