日前，「TVB小生」何廣沛出席咗八月星辰嘅活動，就算今日就係佢31歲生日，都要忙住為《愛美麗狂想曲》拍攝，唔知道到時劇組會唔會為佢準備驚喜慶生呢？
不過問到緋聞女友朱晨麗有乜表示，何廣沛就表示今晚會同朱晨麗，以及《大醬園》嘅一眾演員食飯。
佢話：“上次《大醬園》慶功有啲演員放咗飛機，今晚再食飯兼慶祝八月生日嘅演員，有我、吳岱融、楊卓娜同導演。（朱晨麗有乜表示？）佢有打電話叫我負責買蛋糕。我話嚇，生日嗰個自己買蛋糕畀自己。”
何廣沛繼續講：“我估朱晨麗唔記得我生日，佢話今晚個飯局唔係慶祝導演生日乜。（你有冇提醒佢？）我都好婉轉同佢講，佢話佢自己會搞掂個蛋糕。
所謂人紅是非多，較早時龔嘉欣就被指與朱晨麗不和，而呢次龔嘉欣同樣冇見人。
對此，龔嘉欣接受電話訪問時就表示：“係呀！不過我唔喺香港，尋晚返嚟錄完《娛樂大家》，之後又即飛咗第度做嘢，岱融哥好好，同大家安排菜單同酒水，惟有等之後返嚟香港再約大家啦！”
至於壽星公嘅愿望，何廣沛就直言：“最好可以搬近公司，考慮自己住定係同屋企人住，如果同屋企人住嘅話，就可能套現而家層樓，但我屋企人住開香港區，佢哋又懶搬過海，但我每日返工又好辛苦。”
唔理點樣，希望何廣沛事業再上一層樓，繼續畀我哋帶嚟多啲精彩嘅好作品，亦都祝佢愿望夢成真，祝福祝福！
Like MisshkNews Facebook！不出门也能知天下事～
