「TVB小生」清路障驚畀報復，自家店生意額跌三成

「TVB小生」楊明之前畀拍到喺觀塘清理路障，佢接受訪問時話：「都係趕住返工嘅時候塞咗好耐，終于塞到我前面嘅嗰陣，見到情況都幾嚴重，咪執埋一邊囖。」

楊明又話：「我諗做乜行為，呢個世界都會有人唔滿意。我覺得我做呢件事，冇諗過有啲乜嘢唔啱，見到有路障就清咗佢。如果冇人執開佢，根本冇人會行到，我凈係知道呢一點，所以做到幾多就幾多囖。」

楊明都表示：「旗下四間燉湯店最近都受咗唔少影響，生意額大概跌咗兩至三成。不過，相信都唔止我哋，因為香港市面好多人都係喺到捱緊同頂緊。」

記者問到楊明有冇擔心因為拆路障而令自己鋪頭被「裝修」？

楊明諗咗一陣話：「其實擔心都係冇用，你話驚唔驚，梗係驚啦，但係除咗擔心又做到啲乜呢？最緊要係盡快平息到呢件事，等大家去回復正常生活。」