「TVB小生」情人節頹問，情人節快樂嗎？

「TVB小生」鄭衍峰同前港姐馮盈盈傳出暗撻多時，佢哋多次斷正都從未承認戀情，直至上個月傳出分手消息，鄭衍峰真係有苦自己知道。

到咗今日初三兼情人節正日，甩拖后無所事事嘅鄭衍峰，更加要黐住《全民造星III》參賽者劉若寶，上人哋屋企同成班ViuTV藝人一齊玩，都唔想自己一個過。

咁都未算，狂歡過后好孤獨嘅佢，仲喺社交平臺獨照，寫上「情人節 開心嗎」字眼，真係睇見都想幫佢抹眼淚。

相反馮盈盈喺社交平臺曬出自己扮得紅當當嘅靚相，又大曬屋企年花擺設同新年禮物，向大家展示佢依然集萬千寵愛在一身，單身過情人節冇驚過，繼續多人錫。