由前港姐朱晨麗、「TVB小生」何廣沛主演嘅《大醬園》正在熱播，喺劇中夏小滿（朱晨麗飾演）嘅同楓少（何廣沛飾演）開始就有拗撬，好似一對鬥氣冤家。
不過朱晨麗、何廣沛之後，由歡喜冤家變成夫妻，仲有唔少親密戲份，喺最近出街嘅一集中，佢哋更有一場喺瀑布下一齊沖涼，玉帛相見！
講到拍攝呢場出浴戲，何廣沛就表示：「唔會尷尬拍，因為呢場戲大家都有做足安全措施，朱晨麗有著肉色衫，但因為朱晨麗唔識游水，所以大家都盡量去保護佢。」
喺2017年，朱晨麗同何廣沛因為合作拍攝《超時空男臣》而傳出緋聞，指佢哋戲假情真，事後雖然佢哋都否認，但就不時情侶檔出席活動，今次佢哋再次合作拍劇，感情都有大躍進。
何廣沛仲話：「今次嘅戲份對比上一次《超時空男臣》更加多，四個幾五個月嚟基本上每日都見，朝早見完晚上見，所以默契係有增無減。”」
而朱晨麗喺接受訪問時就表示：「如果求婚對象係何廣沛會特別Sweet，更即場預演咗向何廣沛求婚，兩個人果然戲內戲外都相當甜蜜！」
Like MisshkNews Facebook！不出门也能知天下事～
