「TVB宅男女神」用舊相呃Like，發千字文反擊！

「TVB宅男女神」孫慧雪已為人母，但身材同外表保養得宜，經常喺社交平台分享性感照。不過佢就表示自己經常會聽到「係咪用舊相呃Like」之類問題，於是發千字文反擊！

孫慧雪指自己經常會聽到，人哋問自己係咪用以前未生BB之前嘅相呃Like，不過佢表示呢啲都係新相。

同時，孫慧雪又話自己會聽到類似睇唔出佢37歲同肥B唔肥人嘅話，對此孫慧雪表示自己嘅小朋友38周出世重9磅，自己亦重達160磅。

孫慧雪同時透露有唔少人鐘意搵佢討論生仔經：「我最經常聽到，就係有人話，真系好擔心keep唔到、會肥、會盤骨大、胸部會變型……仲聽到有人話大肚嗰陣諗住剩係食菜，因為驚肥！」

孫慧雪勸告各位準媽咪千祈唔好因此減少食嘢，因為胎中嬰兒需要發育，喺孕期時更加需要吸收多種營養，養好身子，生完再慢慢管理身材。

最後，孫慧雪更鼓勵一眾準媽咪：「我都唔細，仲有幾年都4字頭，我都keep到！你都一定keep到！一齊加油」。