「TVB宅男女神」連詩雅（Shiga）有樣有身材又早成名，佢尋日（12日）喺社交平臺分享噴血三點式，睇似心情好靚，實際原來佢正在經歷人生低潮。
兩個月前，連詩雅自爆同曾經復合嘅男友徐浩（Terry），喺疫情爆發期間已經有兩個月冇見面，當時佢仲自信十足指男朋友唔會變心。
連詩雅日前接受訪問爆喊承認分訊：「我哋分開咗一段時間，我覺得每段一段關係要結束都係傷感嘅。」
現年31歲嘅連詩雅曾經好渴望早婚，擁有自己嘅幸福家庭，感嘆婚姻自己愈來愈遙遠。
全因為父母喺佢童年時婚姻破裂，係名存實亡嘅夫妻，過住「同居」嘅分居生活，連詩雅話：「佢哋好辛苦咁去『捱』呢段關係，我細細個就同阿媽瞓，唔知爹哋、媽咪要一齊瞓。」
講到連詩雅，其實佢喺入行前曾經擔任過模特，後來便以歌手嘅身份出道，期間佢曾經推出過多首膾炙人口嘅作品，比如《灰伯爵的男友遐想》、《到此為止》、《好好過》、《只要和你在一起》、《水星逆行》等。
之後連詩雅簽約星夢，曾經客串過《使徒行者2》嘅佢，都會喺跟住落嚟嘅新劇《致所有愛過的人》中將會有份出演，唔知到時佢又會畀我哋帶嚟點精彩噶演出呢？期待！
Like MisshkNews Facebook！不出门也能知天下事～
