「TVB宅男女神」張曦雯觀眾緣不嬲好好，喺啱播完嘅《金宵大廈》做返自己，喺人工智能撮合下與膠罐（林子善）進入虛擬世界打機，得到唔少觀眾贊佢為劇集畫龍點晴。
尋晚張曦雯喺新劇《解決師》出現，同劇中男友王浩信喺澳洲墨爾本演出多場吻戲，靚人襯靚景。
好可惜，張曦雯遇到實驗室爆炸即死，結果惹來唔少網民負評：「點解女神咁快死？」、「邊個累死我嘅張曦雯」、「第一集就好悶」等。
張曦雯身材高挑，2010年起曾經為多個著名品牌擔任模特兒，獲選為「最佳新模特獎」得主。
2011年，張曦雯開始行選美路，喺2011年芝加哥華商會親善小姐比賽上勇奪冠軍同「最上鏡小姐」。
喺2012年國際中華小姐比賽成為第一位奪冠嘅芝加哥佳麗，喺同年7月世界小姐競選多項單項賽中獲得排名，係25年嚟成績最好嘅香港代表。
由於張曦雯自細學移民芝加哥，畢業于伊利諾大學芝加哥分校企業管理系，所以講得一口流利英文，加入TVB之後成為明珠臺《Pearl Tonight》主持。
由於張曦雯做主持笑容好、口齒伶俐，因此而畀TVB高層賞識，獲邀請拍攝2016年處女作《律政強人》飾演律師，網民反應都偏向正面，「表現以新人嚟講已經好出色！」。
當年張曦雯憑《3日2夜》成為唔少男士心目中嘅女神，獲封新一代「TVB宅男女神」。
后尾張曦雯喺《跳躍生命線》飾演阿Man、《白色強人》飾演神經外科副顧問醫生阿Yan，均獲觀眾支持，大贊佢夠資格同前輩馬德鐘、視帝郭晉安、視後唐詩詠做對手戲，但佢因此自大，反而認為自己做戲基礎比較薄弱，曾經返美國進修演技。
張曦雯同李佳芯同樣行女神路線，較早時傳出李佳芯畀TVB雪藏嘅消息，張曦雯隨即取代佢成為《踩過界2》女主角。
據悉，李佳芯今年曝光率大減，除咗《踩過界2》，連《BB來了2》都畀岑麗香取代，而《殺手》就畀抽起，未能做臺慶劇，只有一套新劇《愛美麗狂想曲》正在趕拍。
而張曦雯跟住會有新劇《木棘證人》擔正做女主角。
唔理點樣，梗係希望張曦雯可以繼續畀我哋帶嚟多啲更精彩噶演出，期待佢嘅表演！
Like MisshkNews Facebook！不出门也能知天下事～
