「TVB宅男女神」孫慧雪尋日喺社交平臺曬出工作近照，見到佢著住白色低胸吊帶裙，盡顯成熟女人味，表明諗緊未來方向，引來大批網民猜測佢係咪想離開TVB，去ViuTV。
意外嘅係，竟然有網民希望孫慧雪離開TVB向外闖，佢直指：「未完約呀！」又坦言：「計劃完約后做中意嘅事啦。」似乎暗示同TVB完約之后就唔再續約。
講到孫慧雪，其實佢喺2006年入讀TVB藝員訓練班之後入行，當年佢擔任《美女廚房》助手，係元祖級嘅美女助手，由于佢哋嘅打扮可愛，深得到網友喜愛，有時甚至蓋過主持同嘉賓們嘅風頭。
雖然孫慧雪喺2006年就加入TVB，而且有觀眾緣，不過一直以嚟佢就只擔任唔起眼嘅角色同綜藝節目嘅助手，譬如《一擲千金》、《志云飯局》節目入面嘅千金小姐同助手。
可能入行多年未能上位，孫慧雪喺2009年自己開時裝店賣女裝，後來更開首飾店賣自家制嘅干花手飾，佢仲做YouTuber拍片分享生活點滴。
喺2016年，孫慧雪首次喺劇集《純熟意外》擔任重要角色楊言愛，因為表現出色而備受好評，更得到吳啟華公開贊賞，同年佢喺劇集《三個女人一個「因」》里首度擔任第二女主角。
雖然喺拍劇方面有突破，但孫慧雪喺網上平臺同出寫真等回響更大，佢喺2016年為紀念入行十年，發行首本寫真集《Once》，佢即獲網友大贊，自此就一直成為網友嘅寵兒，畀佢哋稱為雪雪BB。
2019年，孫慧雪喺書展中推出第一本寫真散文集《那個愿沒有圓》，分享童年往事、生活感受同演藝經歷，同時又發售另一本寫相集《私圖》，全力發放福利圖。
對比孫慧雪嘅演藝生涯，難免會令人覺得佢係靠外表同性感彈起，反而拍劇方面卻一直無機會，可能係因為甜美形象限制咗佢。
呢排疫情嚴重，社交平臺興起唔同類型嘅Challenge，孫慧雪都曬出內衣相大玩比堅尼Challenge，噴血程度完全唔輸妙齡僆妹！
唔理點樣，都係希望孫慧雪喺之後嘅事業上可以有所成就，期待佢嘅表演，加油。
Like MisshkNews Facebook！不出门也能知天下事～
