「TVB宅男女神」簡淑兒宜家有男友麥大力零舍唔同，呢日見到佢同男友一齊煮飯仔，仲施展入得廚房，出得廳堂嘅本色，落手落腳包餃子認真賢良淑德。
見到簡淑兒隻隻餃子都包到又大粒又靚，真係睇見都好想食！網民都激讚隻隻手勢好，又大讚佢嘅男友麥大力有口福！
講到簡淑兒，其實佢自細就跟住屋企人移民美國，父母係珠寶商人，回流香港之后曾經入住西九龍豪宅凱旋門，佢一直網民指係千金小姐。
對于被指係千金小姐，簡淑兒多次笑住否認，佢表示父母喺美國做珠寶小生意，仲話自己同屋企人財政獨立。
入行初期嘅簡淑兒，因為樣貌唔算出眾，所以被安排做娛樂新聞主持，後尾經過「大進化」變成仙氣女神之后全力殺入劇組，當年佢喺《愛回家》飾演可愛秘書人氣急升。
簡淑兒自從舊年簽約做「TVB親生女」之后更加係劇接劇冇停手，佢仲有《踩過2》同《一笑渡凡間》兩部劇未出街，一直畀視作「花樽」嘅佢，睇嚟開始備受TVB重用。
對此，簡淑兒嘅富貴父母開始有微言，皆因當初父母畀佢返嚟參加港姐，只係為咗磨煉，吸收經驗，無奈簡淑兒入行7年依然係零代表作。
據悉，簡家其實有兩個仔女，不過唔係人人有興趣、有天分繼承珠寶生意，因為簡淑兒喺美國讀過藝術設計，佢父母覺得佢有潛力做珠寶，想佢翻屋企幫手，簡淑兒梗係明白父母係為她好。
簡淑兒為咗可以繼續拍劇，佢應承屋企人會從頭學做珠寶生意，寧愿辛苦兩邊兼顧，如果再過多幾年演藝事業真係毫無起色，佢就會返公司繼承家業。
簡淑兒呢排唔使拍劇嗰陣，都會返珠寶公司寫字樓，佢每次都會逗留幾個鐘，有需要嘅時候亦會實地巡視分店業務，從低做起。
其實，簡淑兒嘅父母一早將珠寶公司做得有聲有色，成立28年除咗香港嘅零售業務同出口生意之外，2009年更喺香港創建咗珠寶品牌Dazzle，呢幾年更由簡淑兒擔任代言人，成為珠寶店嘅御用生招牌。
唔理點樣，都係希望簡淑兒喺之後嘅事業上可以有所成就，期待佢嘅表演！
Like MisshkNews Facebook！不出门也能知天下事～
