前港姐馮盈盈同醫生男友Martin分手之後，身邊有唔少異性，火速同大隻仔鄭衍峰傳出緋聞之外，呢排更傳出同賭王四房公子何猷亨撻著，感情生活真係多姿多采。
不過緋聞一出馮盈盈被指釣金龜，即搵「好姊妹」江嘉敏做擋箭牌，話係對方介紹，不過江嘉敏就否認，反而周圍呻畀人拖落水，強調自己冇做媒人，傳出姊妹情起暗涌。
江嘉敏仲爆出馮盈盈同何猷亨一早就識，江嘉敏反指係馮盈盈請佢去船P。日前江嘉敏仲喺社交平臺有感而發話：「生活根本就係一場狼人殺，你根本唔知道邊個講緊大話！」，有網民回覆係講緊馮盈盈。
事後記者致電江嘉敏發文鬧人呢件事，佢話：「我發文呢件事情就唔回應喇，係啲私事，只係真係太嬲，所以發文抒發嚇情緒。」另一邊馮盈盈就回應話：「我唔清楚發生乜事，問佢本人比較好，多謝！」
Like MisshkNews Facebook！不出门也能知天下事～
