對於娛樂圈潛規則，相信唔少女明星都遇過問價，有時候真係啞仔食黃蓮——有苦自己知！好似「TVB咪神」黃婧靈（波波）坦言：「社交平台好多人會留言問價，但我當佢哋講笑，因為我唔係出嚟賣。」
波波仲話：「而且我都好好彩，冇遇過啲好過分嘅應酬飯、酒局，做好自己就得。」
另外貴為「TVB視后」嘅蔡思貝早前公開承認遭問價：「以短訊問價，次數唔算太多，但有人出高過200萬。幾多錢我都唔會心動，因為我份人比較硬頸同有骨氣。」
而莊思敏亦曾表示有人出價1,500萬邀佢出席飯局，酬勞之高連佢度唔敢相信。
郭奕芯亦試過類似事件：「由幾百萬到天價都有，我覺得太誇張，一定係騙局，所以從來冇回覆。」
Like MisshkNews Facebook！不出门也能知天下事～
