「隱形鋪后」疫市慘淡，地鋪丟空一年勁蝕……

樂壇天后陳慧琳（Kelly）出道25年嚟一直吸金力強，佢更曾經被曝出喺中環同尖沙嘴一帶手持20個鋪位，身家暴漲之餘，更畀網民為「隱形鋪后」！

日前，有報道指陳慧琳喺2019年買入嘅尖沙嘴鋪位，由于疫情生意大受影響，呢個鋪位喺今年1月已經一直丟空，賬面損失有80幾萬蚊租金。

據悉，即使陳慧琳蝕咗錢，但生活依然好富貴。皆因陈慧琳嘅老竇陳崇偉喺本港經營珠寶生意，擁有多間珠寶分店，所以陈慧琳係名副其實嘅有錢女。

而陳慧琳嘅老公劉建浩同樣家底豐厚，Alex接管家族制衣生意，仲投資開絲花廠、兒童玩具，單喺葵涌嘅公司就有15個寫字樓單位，夫妻持貨量驚人！

陳慧琳雖然身家豐厚，但佢同老公租住何文田嘉道理道獨立屋多年，而且咁多年嚟一直零架子，唔怪得備受粉絲們歡迎。