已故賭王何鴻燊同四房太太梁安琪所生嘅孻女何超欣，何超欣又靚又係學霸，現年先21歲嘅佢宜家讀美國麻省理工學院（MIT），認真叻女！
平時出入多數同屋企人一齊嘅何超欣，身旁朋友原來都分量十足，特別係兩個好姊妹，分別就係大陸富商袁亞非千金袁九兒同埋華為創始人任正非二千金姚安娜。
呢排見到佢哋曬出同何超欣嘅合照，三人扮起女團，著上綜藝節目《創造營2020》參選者嘅服飾，曬出小蠻腰又露美腿，佢哋喺生日會上又唱又跳，真係似足女團。
張相一出，即時引起網民熱烈討論，紛紛留言大贊佢哋有樣貌又身材，仲笑言佢哋係「千億女團」，皆因佢哋三位家族資產加埋保守預過千億！
另外，袁九兒曬出一張合照，佢哋三姊妹坐前排，何超欣住上低胸裙襯黑西裝，十分食睛，而后面四個男仔排排企，其中一個係內地導演陳凱歌兒子陳雨昂！
事後記者致電四房太太梁安琪，問到何超欣係咪想組女團入娛樂圈？佢笑住話：「佢哋玩嚇啫，佢依家喺上海做暑期工，都未讀完書，原則上佢哋讀好書，之後佢哋自由去發展。」
Like MisshkNews Facebook！不出门也能知天下事～
