「貼地港姐」馮盈盈分手兩年，dry爆狂冧方力申

「TVB視后」胡定欣9月6日舉行生日飯局，除有粉絲為佢應援，圈中唔少好友都有出席，但卻畀同樣單身嘅方力申同馮盈盈搶咗風頭！

皆因馮盈盈全程對方力申主動出擊傾計，在場人士見到即時起哄，令生日party變「媒人大會」，但馮盈盈似乎未有十足把握，自爆曾經被方媽咪笑入唔到門！

其實單身兩年嘅「貼地港姐」馮盈盈，經常放聲想拍拖，先后同圈外男士拍拖，可惜最終都係無功而還。

有份出席飯局嘅黃智雯、陳敏之同林夏薇等人，紛紛起哄笑馮盈盈、方力申，大讚郎才女貌好合襯，更要求佢哋合照。

方力申都應該dry咗好耐，呢次馮盈盈應該會撻得著佢。