「落選港姐」舊愛墮樓身亡，潛水多時再度復活

「落選港姐」廖慧儀因為性感形象以及曾經係空姐，所以佢畀網民封為「狂野空姐」。日前有消息傳出廖慧儀嘅舊愛Sam，疑似喺油麻地一座大廈高處墮樓，送院不治終年27歲。

廖慧儀因為舊愛Sam墮樓一事潛水多時，連原本嘅主持工作都畀飛走，較早時更將社交平臺大部分相刪除，刪剩得三張風景相。

事隔6日，廖慧儀社交平臺又再度「復活」，見到佢曬出幾個禮拜前出席臺慶活動嘅相，不過頭像依然維持黑色，未知「復活」社交平臺係咪諗住重新出發？

另一邊被指卷入廖慧儀同舊愛Sam感情瓜葛嘅孔德賢，星途受盡影響，較早時佢同廖慧儀劃清界線，坦言只係同事關係之后。

呢排孔德賢心情似乎已經好轉，仲親自下廚整甜品，不過佢喺社交平臺一發言，網民仲係留言狂鬧，好似印象仲未好轉。