「細龍太」解封有望，台慶彈豎琴低胸騷Quali

「細龍太」陳偉琪（Vicky）負面新聞多多，舊年10月就曾經因為醉駕被捕，今年又畀影到疑似孭住男朋友同外籍男士夜店親熱，多次出事依然我行我素，所以佢畀TVB雪藏大半年。

尋晚陳偉琪終於獲TVB「解封」，更現身臺慶并獲安排表演豎琴，見到佢著上白色低胸晚裝相當搶鏡，記者問佢係咪真係解封？佢話：「呢啲都係等公司安排。」

較早時有指陳偉琪因為畀雪藏半年復出無望，心淡轉行做公關，對此佢直言：「唔係應徵公關，因為嘅積蓄差唔多用曬，所以要諗辦法去增加其他收入來源。」

有記者提議陳偉琪趁住臺慶，可以向TVB高層求情，陳偉琪即笑言話：「係咪要咁做呢？今日都係表演個騷先啦。」

最后都係希望陳偉琪可以重新樹立正面形象，期待仲可以喺《愛回家之開心速遞》睇到佢嘅演出。