前港姐朱智賢已經成功獲得TVB「放生」，呢排更密密為有份演出嘅TVB新劇《食腦喪B》做宣傳。另外呢排佢除咗忙到黑眼圈出曬來，更唔小心將鐵叉放入微波爐叮，好彩最后冇發生意外。
朱智賢嘅黑仔事陸續有來，就連出街跑步都唔小心仆街，搞到損手爛腳之外，更搞到手表都爆埋，真係人財兩失！
朱智賢就算傷住都堅持同愛犬去散步，呢位媽咪真係唔話得。
講到朱智賢，其實佢喺2012年就報名參加咗香港小姐競選，但可惜喺初賽就畀人淘汰，2013年佢卷土重來，最終順利入圍成為20強，好彩嘅朱智賢獲得咗TVB高層賞識，順加入TVB發展其演藝事業。
啱啱入行嘅朱智賢同好多港姐一樣，從主持人開始做起，而朱智賢喺《東張西望》、《3日2夜》入面都有亮眼嘅主持表現。
後尾，朱智賢開始喺各大劇集有份參演，好似喺《愛情食物鏈》、《溏心風暴3》、《救妻同學會》等劇集都有佢嘅身影。
最后missH祝福朱智賢事業發展得越嚟越好！
Like MisshkNews Facebook！不出门也能知天下事～
