周柏豪喺2016年11月，喺泰國布吉與拍拖10年、陪佢經歷事業高山谷底嘅女友Stephanie低調舉行婚禮，為咗保護注重私隱嘅愛妻，周柏豪發放嘅婚照只見新娘背影。
直至近年佢先松口分享恩愛點滴，舊年更自爆為冧太太而炮制新碟，而且打算生BB！
不過，有網友爆料指周柏豪已經離婚，并與一個叫Linda嘅新歡展開新生活，又提供咗一張喜帖，寫明“Linda and Pakho Chau”于8月18日喺尖沙嘴一間五星級酒店舉行婚宴，敬請來賓出席觀禮同飲喜酒。
翻查到喜帖畀發現嘅社交平台，當中有護照顯示新任周太Linda年約40歲，面圓圓體態豐滿，經常喺網上狂曬周柏豪嘅單人相，但未見合照。
對于傳聞，周柏豪經理人回應：“唔係事實嘅嘢唔回應。”
Like MisshkNews Facebook！不出门也能知天下事～
