「港普F4」蔡少芬、陳法蓉、洪欣、朱茵四姊妹不嫐姊妹情深，每年都聚埋一齊慶生，耐唔耐仲飯聚，日前佢哋就難得合體拍攝嘅寫真，依然魅力十足。
由于四位「凍齡女神」蔡少芬、朱茵、陳法蓉同洪欣憑借港式口音普通話（港普）曾經攪出唔少笑料，成功喺觀眾心中留低印象。
為咗延續「港普」傳奇，四姊妹宣佈組成全新女團「港普F4」，希望透過特色口音繼續發放歡樂同正能量！
受訪問期間，四姊妹嘅互相昵稱意外曝光，朱茵話：「我哋平時私底下都唔會叫乜F4，反而係稱呼大家做‘死八婆’！」
洪欣繼續爆料，矛頭更直指蔡少芬：「係呀！係蔡少芬嘅口頭禪，佢叫我哋都係‘死八婆’，我哋冇名，有時都唔知佢叫邊個。」蔡少芬百辭莫辯，引得全場大笑。
陳法蓉表示：「事關我哋感情好先唔會介意，我仲記唔記得嗰時留長頭發，蔡少芬話我好似男扮女，佢老公張晉都好緊張講‘你唔好咁講啦，陳法蓉會嬲嘅’，但我覺得人哋講就可能嬲，但蔡少芬講我只會覺得幾好笑。」
有人話娛樂圈如戰場，女藝人之間經常競爭得火紅火綠，提到「港普F4」咁多年嚟喺工作上嘅相處之道。陳法蓉話：「我哋之間唔存在競爭，大家接到工作都會替佢開心。」
蔡少芬透露最緊要係存住大方無私嘅心，四姊妹之間從未有心病：「我哋四個有樣好，就係都想大家過得好，例如呢個廣告接唔到，Pass畀對方都會開心，唔會覺得你搶咗我工作，唔會有心病。」
唔理點樣，都係希望「港普F4」蔡少芬、陳法蓉、洪欣、朱茵四姊妹喺之後嘅事業上可以有所成就，期待佢哋嘅表演，希望佢哋透過特色口音繼續發放歡樂同正能量！！
Like MisshkNews Facebook！不出门也能知天下事～
