現年31歲嘅「混血女神」裕美出道17年，事業遠不夠感情生活精彩，2016年佢畀記者爆出背夫偷食「TVB小生」黃子恒，形象、事業一度直插谷底。
不過，呢兩年裕美已經重新出發，同外籍男友Alex分手之後，再火速同十優港姐冠軍麥明詩舊愛林作撻著，但佢哋依然拒絕公開認愛。
宜家裕美愛情、事業兩得意，而且網店發展順利，帶挈呢排生活愈嚟愈富貴，唔單止一炮過畀幾十萬訂金買樓做業主，更豪送鑽石頸鏈畀男友林作嘅工人做生日禮物，出手相當闊綽。
日前，裕美媽咪生日，佢梗係繼續實行有錢任性，除咗有糖果造型生日蛋糕、名牌手袋之外，最搶眼就係一隻6卡巨型紅寶石鑽戒，佢留言話：「Happy Birthday to我最愛媽媽，愿你日日開心！Love you。」
Like MisshkNews Facebook！不出门也能知天下事～
