現年60歲嘅「最型展昭」何家勁（Kenny）主攻大陸市場，早年喺鄉下惠州成立「勁家莊」，設立五穀養生基地專門研發同生產谷類產品。
呢幾年轉行從商嘅何家勁，投資開設保健食品公司，更畀評選為旅游協會形象大使，身價估計已經係億萬富翁。
呢日何家勁就畀網民公開現身江西某商場演出嘅片段，當中見到佢身材保持得宜，仲獻唱《包青天》主題曲「新鴛鴦蝴蝶夢」。
不過舞臺卻相當簡陋，好似係臨時搭建，不過何家勁嘅出現都勾起大家回憶，不過亦都有網民寸爆留言話：「來嚟呢度商演嘅明星，都係撈唔掂。」
另外，何家勁又現身深圳羅湖某舊商場，為按摩椅進行推廣活動，不過現場連舞臺燈光都冇，唔少網民都擔心何家勁咁努力接商演，唔知道係咪佢呢排等錢使呢？ 
Like MisshkNews Facebook！不出门也能知天下事～
