TVB臺慶劇《解決師》正在熱播，日前菊梓喬（Hana）終于登場，雖然佢出場得短短三分鐘，而且全程零對白，但就有唔少網民大贊佢演出令人印象深刻，大贊佢拍戲同唱歌一樣有感染力，喊到令人心痛！
其實呢次係菊梓喬首次客串劇集，佢喺社交平臺留言：「自己睇完都喊咗，記得當時點解哭喊，都覺得原來拍戲同想像中完全唔一樣。希望以後有多啲機會，多謝大家畀機會我演出，雖然時間好短，但我會好好珍惜，希望可以有機會繼續出現喺電視上面。」
菊梓喬喺2017年正式加盟星夢娛樂後備受力捧，今年更以大熱姿態奪得《勁歌總選》最受歡迎女歌手，獻唱多首劇集歌曲，升呢做「星夢一姐」。
不過喺戲劇方面，菊梓喬就只喺舊年嘅《救妻同學會》第6集中出現過，但佢原來佢係先拍攝《解決師》。
菊梓喬首次拍劇就備受肯定，唔少粉絲都留言表示希望佢拍多D劇，期待再喺電視上面見到佢嘅演出！
Like MisshkNews Facebook！不出门也能知天下事～
