「少婦聯盟」三缺一，祝賀龔嘉欣攞大馬視后

「TVB花旦」龔嘉欣入行13年，今年喺《萬千星輝頒獎典禮》連下兩城，分別就憑借《香港愛情故事》奪得最受歡迎電視女角色、《殺手》奪得大馬視后，成績驕人。

日前，龔嘉欣率先約咗「少婦聯盟」嘅兩位好姊妹陳凱琳同譚凱琪返屋企慶祝，佢曬出三人合照，見到佢哋齋顏上陣，不過依然迷人，現年29歲兼兩子之女嘅陳凱琳仲好似僆妹。

而現年39歲兼一女之母嘅譚凱琪更加係「離譜」，完全睇唔到歲月痕跡，唔查資料甚至唔知佢同陳凱琳相差10年！

龔嘉欣仲留言話：「好開心我有咁好嘅朋友仔??，第一個慶祝活動當然要留俾你地，新嘅一年 希望我同我身邊嘅朋友仔 大家都身體健康 開開心心 ?」

「少婦聯盟」呢次雖然三缺一爭沈卓盈，不過依然係玩得開心。期待下次見到佢哋可以合體。