「安心偷食」陀衰家，導致損失過千萬，TVB要向佢追討巨額賠償

月中爆出偷食人父夫許志安嘅黃心穎，事業形象可以講跌入谷底，東窗事發之後，佢只喺社交平臺發長文道歉，更遠走美國避風頭。

據悉，一直昧水嘅黃心穎，更加轉由澳門飛菲律賓，再飛去美國洛杉磯，就為咗避開記者。

黃心穎逃離美國，但留低一堆”蘇州屎“畀TVB處理，由於形象破產，代言嘅廣告全部下架，廣告商向TVB索償。

近年備受TVB力捧嘅黃心穎，連累公司損失慘重，為咗斬草除根絕對唔姑息，TVB將黃心穎有份演出嘅劇集同節目全部CUT咗，如果唔重拍就變倉底貨。

由佢主演四套劇集，當中兩套《法證先鋒4》同《牛下女高音》已經決定重拍，人力物力耗資龐大，連累無線損失超過千萬。

臺慶重頭劇《法證先鋒4》同原本定系出年一月播出嘅《牛下女高音》，已經定喺六至八月份重拍，由于重拍制作龐大，所以延期出街。

至於，無辜畀牽連嘅人更加苦過弟弟，兩套劇男主角黃浩然同張振朗更加要重拍超過一半戲份，其他演員亦要馬上歸位，就連82歲King SIR（鍾景輝）亦不能幸免，要復工重拍收山作。

但系畀抽起停播嘅《堅離地愛堅離地》，以及原本安排喺出年賀歲劇嘅《丫鬟大聯盟》，就淪為倉底貨，龔嘉欣同湯洛雯亦無辜成為倉底女一。

聽講，TVB已經決定向黃心穎追討賠償同損失，解約系肯定，至於賠償金額有待雙方商量。