「宅男女神」秘戀人夫，暗交8年終于畀記者影到證據

現年34歲嘅「宅男女神」周秀娜，近年專注事業發展，聲稱感情得閑窗，之前佢憑住《29＋1》入圍影後寶座，用咗唔夠十年時間，從?模搖身一變影後。

由?模轉型到演員，唔單止片約不斷，身價更加十級跳。舊年9月份，佢同前經理人Roy突然間爆出合約糾紛，之後恢復自由身嘅佢，更索性自組娜娜工作室，實行肥水不流別人田。

而喺啱啱上畫嘅電影《掃毒2天地對決》中，佢就有機會與劉德華合作，更加飾演劉德華嘅前女友。

演藝事業得意嘅周秀娜，感情生活亦唔愁寂寞，縱然佢裙下之臣無數嘅佢，卻硬係對8年前已經傳出緋聞嘅已婚電影監制黃永峰，好似情有獨鐘。

日前，周秀娜身穿火辣錫士嘅貼身小背心，與男方喺日本餐廳密會，兩個人單獨拍拖，期間兩個人行為親密，而離開嗰陣，佢更鬼鼠噉隱藏自己，顯得相當避忌，好似好驚畀人發現。

?模出身嘅周秀娜，唔經唔覺喺娛樂圈已經撈咗十年；到而家佢承認嘅戀情，凈系得初出道時嘅發型師男友陳偉成（Avis）。

不過，喺2013年就爆出陳偉成偷食?模羅彩玲，最後兩個人分手收場。

之後，周秀娜雖然有時傳出緋聞，但佢卻一直聲言自己係單身，而家畀記者影到證據，同人夫監制情非泛泛。