「如花」焗桑拿暈倒，事後導致中風半癱失語

現年59歲嘅李健仁因為經常喺周星馳（星爺）嘅電影飾演「如花」呢個角色，加埋挖鼻嘅招牌動作而成為經典，「如花」呢個暱稱亦因此而來。

今日有報道指，呢幾年轉戰大陸嘅李健仁舊年同朋友喺深圳焗桑拿期間暈倒，送院後證實中風，右邊身體癱瘓、語言模糊。宜家喺香港就醫同休養，據悉佢喺太太同屋企人悉心照顧下逐步康復。

而死黨田啟文（田雞）向傳媒證實，舊年8、9月左右，李健仁當時喺深圳焗桑拿覺得「唔舒服」，好彩有助手即刻送佢入院。

田啟文更表示當時曾經去醫院探過佢，李健仁當時仲認得佢，但終開過腦，講嘢有時會窒嚇窒嚇，宜家喺香港屋企休養，并進行物理治療。

講到李健仁，其實佢同周星馳係同班同學，1989年經周星馳介紹做幕後場記，後尾做攝影助理、副導演同制片等。

1992年，李健仁男扮女裝客串《武狀元蘇乞兒》，之後嘅《唐伯虎點秋香》、《國產凌凌漆》、《食神》等都令觀眾留深刻印象，觀眾更以佢喺《九品架芝麻官》角色「如花」而稱呼佢。

唔理點樣，希望「如花」李健仁佢快啲好番，努力去做不同治療，早日康復，希望佢可以繼續畀我哋帶嚟多啲更精彩噶演出，期待佢嘅表演！