「哈比女神」秘撻闊少，當街胸壓掃背伊挹

現年28歲嘅鄺潔楹雖然身高得155公分，更被網民封為「哈比女神」，但佢擁有甜美嘅天使面孔，加埋火辣身材，憑借節目《3日2夜》成功吸引大批宅男粉絲。

不過女神原來已經封盤，皆因鄺潔楹通過朋友認識咗經營酒吧餐廳、年約30歲嘅富二代Ricky Yung，佢同新歡打得火熱，拍拖半年已經發展到半同居關係。

上個禮拜，鄺潔楹出席完活動之后，著住黑色大露背晚裝裙嘅佢，直接一副戰斗格同一班朋友轉場去到男友Ricky嘅餐廳酒吧玩。

鄺潔楹玩到差唔多到清晨先走，飲到醉醺醺嘅佢喺Ricky護送下落樓，等車期間佢更當街胸壓掃背伊挹，最後男友拖着佢上車，送佢返屋企。

講到鄺潔楹，雖然佢身高只有155cm，但有32B豐滿上圍，更拍攝《3日2夜》大曬誘人身材而人氣急升，畀網民封為新一代「TVB宅男女神」。

高度無阻女神受歡迎，擁有天使面孔以及惹火身材嘅鄺潔楹，更加獲得唔少監制青睞，較早前更畀安排加入高收視嘅《愛回家之開心速遞》演出，繼續做女神。

鄺潔楹唔單止生得靚女，而且屋企仲好有錢，父母經營家俬生意，27歲佢同屋企人住喺大埔淺月灣獨立屋，個人名下更擁有一個跑馬地豪宅物業，又開有投資公司，名副其實係富家千金。

唔理點樣，憑借鄺潔楹嘅實力，相信只要佢努力做嘢，提升演技，應該喺TVB會有好好嘅發展，加油加油。