日前，「亞洲影後」甄真接受大陸節目《魯豫有約一日行》嘅訪問，佢大方暢談自己嘅感情生活，當中包括同謝賢、劉家昌嘅兩段失敗婚姻。
甄真同謝賢喺1974年結婚，婚姻就維持咗兩年，甄真坦言謝賢係佢第一個愛嘅男人，由細到大都聽屋企人嘅話，首次擅作主張就係同謝賢結婚。
甄真話：「媽咪唯一一次冇同我出外景，我就結咗婚，當時簽字都無人知道，直到婚姻注冊處要將我個名公開，之後全世界都知道咗，我媽咪當時聽到就暈咗！」
兩個人結婚之後經常分隔兩地，謝賢一直叫佢返香港定居，甄真話：「冇辦法，我同人哋簽咗電影，唔可以唔拍，謝賢就用激將法叫我返香港，我就冇辦法所以離婚。」
當時甄真返謝賢屋企執行李架離開，但上機之後就開始后悔，佢坦言對謝賢嘅感情係百分百付出，但後來謝賢三度飛去臺灣挽回，但佢卻全然唔知情。
甄真喺1979年同劉家昌再婚兼育有一子（劉子千），但佢喺1987年向劉家昌提出離婚，結束八年情，直至2015年先公開，佢話：「演咗30幾年夫妻，連自己都唔記得咗。」
主持人問到甄真，如果人生可以重來佢會點揀？甄真坦言：「我唔會同謝賢離婚，以前兩次結婚同離婚都係做事大膽，人唔可以對唔住自己。」
Like MisshkNews Facebook！不出门也能知天下事～
