「三料港姐冠軍」星途坎坷，入行7年未能彈起

同人唔同命，同樣都係香港小姐冠軍，星途卻各有不同，有人成為咗「TVB宅男女神」，有人卻遠走他鄉發展，而作為「三料港姐冠軍」嘅邵珮詩星途坎坷，入行7年未能彈起。

雖然邵珮詩呢7年只拍過7部劇集，不過佢喺《愛回家之開心速遞》飾演「侯蔡欣」一角卻令佢成功入屋！

喺2018年邵珮詩離開《愛回家之開心速遞》嗰陣大嗌不舍，直到呢排先喺《逆天奇案》同《欺詐劇團》連環出現，但都只係客串戲份。

其實邵珮詩本身嘅家底超好，除咗係港姐冠軍，當年更加係「三料港姐」出身，佢太公仲係維他奶創辦人之一，邵珮詩更畢業于加拿大名校西門菲沙大學心理系。

當年邵珮詩參選港姐嗰陣，傾到心口上嘅胎記，佢好有EQ噉回應話：「喺18歲嗰陣發現有呢個胎記，當時好唔開心，一直怪責自己，但而家已經接受，反而好欣賞呢樣嘢，亦因此令自己變得更堅強」。

邵珮詩對自己都好寬容，即使呢幾年機會唔多，都唔會有乜怨言，今年喺疫情之下仲畀TVB派去臺灣做節目，但依然係敬業樂業。

唔理點樣，梗係希望邵珮詩可以繼續畀我哋帶嚟多啲更精彩噶演出，期待佢嘅表演！