《2018香港小姐》年年都吸引嚟自唔同行業的靚女參加，20個位參選佳麗之一的12號童銘欣（Christy）就系一個酒店地產分析師。童銘欣接受訪問時解釋酒店地產分析師的工作：「其實呢份工系我大學時的dream job，不過我大學都唔系讀酒店。譬如有間地產商或者政府諗起間酒店或者渡假村的時候，就會搵我哋呢啲顧問，我哋就會做份報告畀佢哋，話畀客戶知個project回報有幾高。」
童銘欣（Christy）繼續話：「我之前做過的project系香港又有，斯里蘭卡又有，澳洲都有。（香港多唔多呢一種公司？）我地呢間公司算系行內最出名最專業的一間，因為普通地產顧問可能系做比較多商場或者住宅，但系如果系酒店，就系我哋呢間。」乍聽之下童銘欣的職業系屬於高薪一族，但原來佢工資只有大概兩萬上下。「（酒店地產分析師）系我第一份工，dream job嚟嘅。因為我好鍾意酒店，我細細個住酒店的時候，就覺得酒店好靚。我仲記得細細個清潔姐姐幫我執好間房之后，我仲畫個公仔多謝佢。」
童銘欣更透露入職前更試過洗廁所啦。「之前我系喺酒店入面做嘢，咩部門都做過，front-desk（前臺）做過啦，house-keeping又做過，即系執房，洗廁所我都好似沖過一次，哈哈。我果時系做ass.mananger，所以返工的時候，有時都要幫手執房。」
Like MisshkNews Facebook！不出门也能知天下事～
