舊年由前港姐李施嬅同陳山聰主演嘅《金宵大廈》叫好又叫座，更畀封為「年度神劇」，之前一直有傳會由原班人馬開拍第二輯，而家終于有消息指即將喺八月中開拍！
有關開拍《金宵大廈2》一事，記者向監制葉鎮輝查詢，佢話∶「暫定喺8月中開拍。」，男主角陳山聰就話∶「暫時未收到正式通知，所以要等公司通知，有消息再話畀大家知道。」
而身為女主角嘅李施嬅表示∶「其實我都未知道，而且我未簽任何合約。」
喺《金宵大廈》飾演怪獸家長周小惠嘅高海寧就笑指∶「我唔清楚，凈係知道嚟緊開《七公主》，不嬲都係你哋收風快過我！」
故事另一個重要角色黑貓「靚寶」，憑借圓祿祿嘅大眼，電暈一班觀眾，記者向「靚寶」主人Melaine查詢，Melaine指∶「我未收到通知，不過之前有問過我會唔會拍，我話ok。」
睇嚟觀眾有機會再見到「靚寶」喺幕前出現，而且係「加大版」嘅佢，事關喺社交平臺見到佢大咗好多，又肥咗唔少，不過一樣都係咁得意！
唔理點樣，梗係希望李施嬅可以接拍攝《金宵大廈2》，希望佢畀我哋帶嚟多啲更精彩噶演出，期待佢嘅表演！
Like MisshkNews Facebook！不出门也能知天下事～
