《港姐2020》候選佳麗爭三甲，拉票出古惑

《2020香港小姐競選》決賽將於8月30日喺將軍澳電視廣播城舉行，屆時將會誕生三甲。13位候選佳麗宜家正在為決賽積極準備，希望可以順利晉級決賽。

而全香港嘅觀眾宜家可以通過BigBigFun投票選出五強佳麗，所以每一票都可以影響晉級結果，由于投票結果可以無限次更改，所以所有佳麗出盡法寶喺社交平臺進行拉票。

據悉宜家佳麗走勢，最有機會跑出嘅包括愈戰愈勇嘅陳楨怡、郭柏妍、何孟珊、侯嘉欣、廖慧儀同黃婉恩，當中何孟珊、黃婉恩都有曬靚相拉票。

而侯嘉欣更為拉票出古惑，並以紅包作「利誘」，群組內更有人籌劃投票指引，力謀擊退其他「半熱門」佳麗，以保侯嘉欣穩入三甲。

事後記者聯絡侯嘉欣，但卻因為未經TVB同意不接受任何採訪，但記者都有聯絡上侯嘉欣媽咪，佢表示囡囡侯嘉欣唔喺呢個拉票群組內，所以單嘢同囡囡絕無關系。