呢排，深宵時段重播TVB經典劇集《律政新人王II》，由陳鍵鋒、馬國明、官恩娜、李詩韻等人主演，有眼利嘅網友發現，一位最近極受大家鐘意嘅女演員喺劇中驚喜現身。
呢位女演員就係喺《愛回家之開心速遞》入面飾演池美麗一角嘅鍾凱琪（Kitty）。
劇中，講到馬國明勝出人生第一場官司，大家喺酒吧為佢慶祝，而鐘凱琪就飾演其中一位女友人，更同馬國明有對手戲。
鐘凱琪重提呢幕時仲表現興奮：「馬國明當時已經係小生級數，好靚仔、好好人。我當年仲讀緊書，參加《殘酷一叮》入行之後，公司開始畀機會我拍劇。」
雖然都係飾演閑角，甚至畀醜化，但鐘凱琪從不介意角色性質：「返工啫，最緊要做好要做嘅嘢。」
加入TVB 14年，鐘凱琪終於憑借池美麗呢個角色成功發圍：「多謝大家肯欣賞，意料之外，其實我做得好差，成日NG，剪接、導演配合得好好。」
鐘凱琪到而家仲未係「TVB親生女」，佢坦言希望同TVB簽長約：「因為呢個係對自己工嘅肯定，公司最近資源緊絀啲，唯有自己繼續努力。」 
唔理點樣，都係希望鐘凱琪到喺之後嘅事業上可以有所成就，期待佢嘅表演！ 
Like MisshkNews Facebook！不出门也能知天下事～
