《丫鬟大聯盟》大結局！湯洛雯、黃心穎犧牲色相救國

前日，TVB劇集《丫鬟大聯盟》大結局，黃心穎同湯洛雯一班丫鬟假扮波斯舞娘，身穿低胸與露腰裝，為救國而犧牲色相，雖然畀拆穿身份而被捉，但最後有驚無險成功救國，丫鬟大翻身。

而千金小姐劉思希惡有惡報，畀湯洛雯掌摑報復又畀謝東閔用襪塞口，最後因為通番賣國而畀流放，更畀村民掟菜。

而謝東閔最後成為狀元，兌現承諾迎娶湯洛雯！

而洪永城以血書求黃心穎原諒，兩對有情人終成眷屬，大團圓結局。

雖然劇集出街期間黃心穎冇現身宣傳，但劇集大結局後，見到佢喺社交平台又曬出自拍劇照，留言多謝一班臺前幕後工作人員，指當時拍攝得時好開心。

之後黃心穎又喺社交平臺分享一張兵仔造型，表示：下世做男人。