無線《萬千星輝頒獎典禮2021》紅毯騷，一眾TVB花旦同小花出招搶鏡，當中《星夢傳奇》人氣王姚焯菲更少女初露，著上白色LowCut晚裝，令人眼前一亮。
而陳瀅以一身谷胸嘅黑色長裙示人，略顯肥態，更露出絲襪頭。
由于陳瀅極低胸，大家都驚佢會「露點」，但佢就淡定表示：「冇事冇事，我貼咗4層膠紙好安全，反而束腰好緊。」
反觀，王敏奕就以一條簡約有美感嘅吊帶珠珠裙上陣，腰間透視，高貴得嚟又大方。
陳自瑤以低胸露背群艷壓全場，唔單止Deep V露出超長事業線，期間仲執裙擺嗰陣更微微向前傾拋胸，認真食睛。
同樣低胸上陣嘅仲有應屆港姐宋宛穎、梁凱晴、邵初、關楓馨，一眾港姐更齊齊以紅色、桃紅色裙晚裝現身，相當搶眼。
佢哋受訪嗰陣坦言興奮，皆因呢次係佢哋首次出席TVB臺慶頒獎禮，宋宛穎坦言希望快啲有機會拍劇，之后可以獲得提名！
林夏薇以中門大開，大露背嘅長裙示人，林夏薇受訪嗰陣笑言真係好驚會走光，不過事前都檢查過好多次。
「戰斗力」最弱，一定係李佳芯，見到佢密實登場，佢笑言要反傳統之外，仲表示呢個係形象設計幫我揀嘅，好似愛麗斯夢游仙境，總之露肉唔係我嘅Style，我係骨子度錫士。
何依婷
Like MisshkNews Facebook！不出门也能知天下事～
