「無線電視藝員訓練班」由1971年開辦到而家已經50年歷史，多年嚟培養出唔少大明星。而第一期出身嘅超級大前輩日前趁中秋舉行聚會，唔少老戲骨都有現身，勾起無數人嘅回憶。
當中，大家最熟悉嘅陳嘉儀自從喺2009年已經離開TVB，佢當時話要照顧患病老公而放棄心愛嘅演藝事業，雖然佢宜家已經74歲，但貴氣依然，保養得好好。
陳嘉儀（左一）喺2006年嗰陣嘅《蘭花劫》一度成為倉底貨，拖到2017年先出街，意外成為佢最后幕前嘅作品。
而現年69歲嘅程可為（右一）依然活躍於幕前，啱啱播完嘅《七公主》佢亦有份演出。
另一位凍齡代表呂有慧曾經喺事業如日中天嗰陣，突然宣布同武打明星金童奉子成婚，之后人氣亦隨之下滑，由一線花旦淪為配角。
呂有慧飾演過1997版本《天龍八部》嘅段王妃。
呂有慧飾演過1984版本《神雕俠侶》嘅李莫愁，唔怪得咁眼熟。
呂有慧當年同伍衛國係經典嘅螢幕情侶。
除咗佢哋，并非第一期「無線電視藝員訓練班」出身嘅胡楓、文雪兒、以及張之鈺、盧宛茵同吳麗珠等人都有份出席，大家都保養得宜。
老戲骨云集，文雪兒興奮不停，要影照打卡留念，佢留言話：「＃我後生嗰陣嘅偶像＃電視劇撈飯。」
文雪兒、賈思樂
黃韻材、文雪兒
胡楓（修哥）同文雪兒
程可為同文雪兒
Like MisshkNews Facebook！不出门也能知天下事～
