「TVB小花」麥皓兒瘦身成功，即刻升呢做影后

「TVB小花」麥皓兒呢排圓夢做歌手，佢勁減38磅以性感Bad Girl造型上陣，MV更搵嚟憑熱播劇集《愛回家之開心速遞》「蔥頭」一角人氣急升嘅男友丘梓謙擔任男主角，情侶檔上演撫摸床戲！

而新一集《愛回家之開心速遞》劇情講到，麥皓兒、丘梓謙再次情侶檔合作，麥皓兒仲要化身「金像影后」，同「蔥頭」丘梓謙同場做老友。

其實之前麥皓兒都曾經喺《愛回家之開心速遞》客串過同「根叔」劉丹上演忘年戀，惟當時佢身形脹爆，同宜家激減磅38收身成功后判若兩人。

不過麥皓兒就指事關劇中對白「蔥頭」依然叫佢做「肥妹」，笑言暫時仲未搣甩「肥妹」稱號。