當年，「十億咪神」黃文意有幸拍住馬國明、岑麗香等演員合作劇集《寶寶大過天》，呢日佢喺網上偶然見到呢部劇集嘅月歷，點知道就算出到4位數，對方依然不為所動。
黃文意留言大呻話：「我匿名問嗰個人可唔可以賣畀我，我一開始開價￥888，大家攞個意頭，點知開到4位數字佢都唔肯賣，佢話佢係TVB嘅大陸忠粉，佢都係得一本。」
黃文意坦言咁想買係希望為首次聯合主演留念：「拍之前監制都同我講，主演名單係好出名嘅演員，所以我都好驚訝有得同佢哋一齊做嘢。」
講到黃文意，其實佢係童星身份出道，6歲就開始拍戲，曾經演出過唔少電影、電視劇、教育電視節目同廣告，2016年加入無線電視，主要擔任TVB娛樂新聞臺粵語主播。
2017年，黃文意因為喺旅遊節目《3日2夜》中展示咗豐滿身材備受關注、加埋佢爸爸係喺大陸畀稱為「LED燈大王」嘅黃裕發，傳聞佢身家超過十億！
身為億萬千金嘅黃文意上班選擇搭公共巴士，喺朋友面前佢從來唔主動提起家事，加埋擁有驕人嘅身材，黃文意更畀傳媒封為「十億咪神」！
入行到而家，黃文意曾喺TVB幾部重頭劇集中嶄露頭角，比如《幕后玩家》、《誇世代》、《棟仁的時光》、《三個女人一個因》以及《是咁的，法官閣下》等。
其中，黃文意喺《愛回家之開心速遞》飾演餅店店員，雖然之係一個配角，但也被廣大的觀眾留意，大獲關注。
2019年，黃文意更正式獲TVB簽親生女合約，備受力捧，都係希望佢喺之後嘅事業上可以有所成就，期待佢嘅表演！
Like MisshkNews Facebook！不出门也能知天下事～
