羅仲謙、楊怡兩公婆「改名轉運」，新名真係難聽又難記

唔少藝人為咗事業、健康都會「改名轉運」，好似「TVB視后」李佳芯（原名李嘉馨），2013年轉投TVB之后改名，五年內即奪視后寶座。

而呢日羅仲謙、楊怡兩公婆一齊喺社交平臺上宣布改名，羅仲謙仲話：「呢一年我哋經歷咗好多轉變，為咗屋企人更加好，我哋作出咗呢個決定，所以從今日起羅仲謙＝羅子溢、楊怡＝楊茜堯，請大家多多指教。」

對于改名呢件事，事后羅仲謙接受傳媒訪問時表示話：「個名早就改好咗，只係未有第一時間話畀大家知道，改名主要係想屋企人健康，而改名程序已經攪掂。」

羅仲謙指呢次改名嘅決定，佢諗得好清楚，亦得到屋企人同TVB嘅支持。至於楊怡就希望改名可以讓屋企人可以更加好。

楊怡入行已經有21年，佢喺2012年成為「TVB視后」，而羅仲謙亦入行差唔多15年，呢幾年更北上發展得順風順水，相信呢次改名都唔係為事業。

有網民表示羅仲謙、楊怡兩公婆新名有偶像劇嘅感覺！

更多網民表示羅仲謙、楊怡兩公婆新名難聽又難記，唔改好過改！