「TVB花旦」加碼曬全家福，冧爆收99支玫瑰花！

「TVB花旦」楊怡同老公羅仲謙嘅生日相差兩日，一個8月30日一個8月28日！尋日楊怡就大曬兩公婆合照，唔少網民留言問囡囡小珍珠呢？於是楊怡加碼曬全家福。

楊怡留言話：「多謝老公為我準備的花?和蛋糕?❤️❤️❤️ ，第一年同珍珠一齊慶祝生日?，囡囡最奮嘅應該係睇到美味嘅蛋糕吧??」，楊怡仲大爆羅仲謙送上99支玫瑰花，簡單的幸福，好耐冇收花??。

唔少圈中人包括陳敏之、陳自瑤、朱千雪都大贊小珍珠靚女，蜜運中嘅馬國明都有留言：「sweet到呢…???」

講到楊怡同羅仲謙嘅當年，佢哋因為拍攝TVB經典醫療劇《On Call 30小時》結下情緣，呢部劇都喺早前（3月2日）深夜時段重播，劇集由馬國明、楊怡、羅仲謙同黃智雯等主演。

其實羅仲謙、楊怡由一段唔畀睇好嘅姊弟戀，到拍拖4年再結婚。結婚之後楊怡更為咗迎接呢個BB來臨，佢決定放棄事業，2016年4月份約滿TVB之後就選擇性工作，安心做少奶奶。

唔理點樣，宜家見到楊怡同羅仲謙咁幸福，真係替佢哋開心，祝福你哋永遠幸福快樂。