「TVB視帝」陳展鵬雖然工作忙不停，但佢對上一次出街嘅劇集已經係2年前嘅《天命》，而佢有兩套劇拍攝完之後，一直未能出街（分別就係《唐人街》同《逆天奇案》）。
可能太耐冇劇集出街，陳展鵬呢日喺社交平臺曬出兩張黑白相，感性留言話：「當一個人諗佢嘅人生，開始懷疑自己嘅能力，覺得將來無助，孤獨就會即將成為佢嘅朋友，顏色都只會變得單調。」
網民見到陳展鵬突然咁講，大家都有留言安慰：「要正能量，你仲有我哋、低潮黑暗總會過去，陽光虹總會出現！」
事後陳展鵬繼續表示：「只係角色心路歷程！」
講到陳展鵬，其實當年佢中五畢業之後就加入TVB藝員培訓班，入行之後多數做茄喱啡為主。1996年喺電影《怒火街頭》中飾演陳小春細佬。
後來，陳展鵬受到著名音樂人蘇德華嘅賞識，簽約寶麗金唱片公司，出過4首歌。當佢為咗做歌手，主動放棄咗TVB嘅好多演出機會，仲用自己嘅儲蓄投資買衫，請形象設計師。
可惜，寶麗金畀環球收購之後，陳展鵬就畀唱片公司解約，歌手夢碎，嗰陣時陳展鵬幾乎冇收入，唯有到地盤做工人做兼職，一日只可以賺到350蚊。
就噉樣打散工一直持續咗半年，半年之後陳展鵬因為腳傷而選擇咗炒老細魷魚，之後陳展鵬嚟到大陸拍劇，仲同冼灝英師傅學過功夫。
陳展鵬曾經講過，呢段日子係佢人生中最難捱嘅時期，覺得自己一無所有，呢段時間自己真係好迷失，拎住一個箱行嚟行去。
直到2002年，陳展鵬加入亞視，2004年擔正主演咗經典電視劇《愛在有情天》，并喺2008年重返TVB，重返TVB就意味著一切都要從零開始，繼續由茄喱啡開始做起。
經過咗好多年演技嘅沉淀，陳展鵬終于喺2016年憑借《城寨英雄》中嘅「拳佬」呢個角色勇奪TVB視帝。
唔理點樣，期待陳展鵬喺《超能使者》可以繼續畀我哋帶嚟多啲更精彩噶演出，希望佢喺之後嘅事業上可以有所成就，期待佢嘅表演！
Like MisshkNews Facebook！不出门也能知天下事～
