日前，何家四房親屬齊聚北角殯儀館，為賭王何鴻燊舉行設靈儀式，并于當日下午4點進行公祭，雖然隔公祭仲有段時間，但殯儀館門外已經陸續聚集前來弔唁嘅市民。
當日記者喺現場發現一個身穿大紅大紫鮮色旗袍、倚喺攔河等候入場嘅周氏女士傾談時，對方竟然自稱係何鴻燊「私生女」，更話自己姓周而非姓何，係由於細個嗰陣畀人抱走嘅關係。
現年60歲略帶鄉音嘅周女士表示：「我細個俾佢抱咗去山旮旯湊大，我係佢契女呀，都系屬於親生女呀。」
問賭王幾時湊大佢嘅時候，佢重覆話：「我細個俾佢送咗去山旮旯。」但未有透露係邊個送走佢，佢又話自己朝早10點已送咗花圈到靈堂，而家要等4點同公眾隊一齊入靈堂拜祭賭王。
記者問佢係咪識何鴻燊，周女士話：「我一生出嚟已經俾人抱去山旮旯嗰度，到而家問到先知佢係我親生爹地。」有記者問佢係咪為咗呢件事先到香港，周女士就話自己已經嚟香好耐。
問到佢點解到宜家先透露呢件事，周女士有啲吞吞吐吐話：「我呢幾年慢慢先知。」，之後有個自稱係周女士老公嘅譚氏男士，聲稱自己係譚詠麟細佬，佢又話自己因為得閑，先陪老婆前來向賭王拜祭。
有網民留言話佢哋：「青山走甩咗兩件」，唔知道你點睇呢？
Like MisshkNews Facebook！不出门也能知天下事～
