前港姐畀譽為係鄭裕玲接班人，帶攜男朋友一齊做主持

呢幾年以傻大姐形象突圍成功嘅麥美恩，一早係TVB各大綜藝司儀節目主持搶手貨，事業起飛嘅麥美恩更唔忘本，帶攜娛樂主播男朋友許文軒上位。

據悉，麥美恩為咗幫男朋友，呢排狂向綜藝節目監制同廣告客，舉薦男朋友許文軒，更以酬勞半價自薦可以同男朋友情侶檔演出。

提到麥美恩，其實佢喺2011年參選香港小姐，可惜遺憾落選港姐，不過麥美恩有急才、口才被高層欣賞，所以推薦佢進入TVB做咗娛樂節目主持人，委派同森美一齊拍攝《森美旅行團》。

喺《森美旅行團》中，麥美恩傻大姐嘅形象深入民心，事業愈戰愈勇，近年更盡獵大型節目司儀演出，喺TVB工作量驚人，連男朋友許文軒亦因為佢受惠。

許文軒呢排工作量激增，由主播殺入TVB做司儀，較早時擔任《萬千星輝頒獎典禮》攞獎旁白司儀，又可以同女朋友搭檔做《勁歌金曲頒獎典禮》司儀，事業轉強。

提到許文軒，其實佢入行前曾經參加過全球華人新秀歌唱大賽，仲獲得冠軍兼奪最佳臺風獎，之後返香港參加總決賽，同屆香港代表仲有宜家已經喺國內紅盡半邊天嘅陳偉霆。

原本許文軒係讀設計，放棄做設計師加入TVB做主播，自從同麥美恩一齊，事業心激增，麥美恩好緊張男朋友事業，不停為男朋友而作出鋪路拉線。

麥美恩主持節目出色，畀TVB選中做鄭裕玲嘅接班人，所以佢同TVB高層關係特別好。

唔理點樣，宜家見到麥美恩同許文軒咁幸福，真係替佢哋開心，同埋期待佢哋喺之後嘅事業上可以有所成就，加油。