呢排《烈火雄心》喺TVB深宵劇場重播，當中鄧一君飾演嘅弱智人士劉海寶（寶寶）更加系入型入格。其實要飾演弱智或者「傻仔」角色絕對唔易，以下為大家盤點十個「傻仔」角色，冠軍絕對神級演技！
第十位——李偉健《愛回家之開心速遞》龍力王Terry 2007年
李偉健喺2009年參選香港先生進入娛樂圈之後，一直都未能可以喺TVB上位，飾演咗唔少配角、茄喱啡角色，直到喺《開心速遞》演出傻仔Terry，令佢人氣急升。
第九位——胡杏兒《流金歲月》丁善茵 2002年
胡杏兒喺TVB時形象百變，正義凜然嘅律師角色、肥人角色、善良角色，甚至「傻仔」角色都完全冇問題。
第八位——苑瓊丹《真情》余瓊（低B瓊）1995－1999年
對于年紀較大嘅觀眾，佢哋實記得低B瓊同大力嘅互動，絕對系《真情》經典畫面之一。
第七位——戴耀明
戴耀明由於飾演過好多「傻仔」角色，所以并冇列出特別嘅劇集，佢更有一個封號系「TVB御用傻仔」。
第六位——佘詩曼《花花世界花家姐》花麗珠（花家姐）2011年
佘詩曼演技好眾所皆知，而今次系佢唯一次挑戰輕度弱智角色，不過卻得到觀眾喜愛。
第五位——陳安瑩《神雕俠侶》傻姑 1995年
當年嘅經典金庸系列劇集，飾演瘋瘋癲癲嘅傻姑，陳安瑩完美演繹將呢個角色性格貼近原著，得到唔少人認同「最神似傻姑」。
第四位——敖嘉年《魚躍在花見》魚至寶（魚仔）2011年
敖嘉年除咗喺《巾幗梟雄之義海豪情》飾演「排骨仔」人氣急升之外，其實「魚仔」都系佢得意之作，飾演一個輕度弱智嘅角色，令觀眾真正見識到咗佢演技。
第三位——鄧一君《烈火雄心》劉海寶（寶寶）1998年
最近喺TVB深宵時段播放嘅《烈火雄心》，鄧一君絕對系亮點之一，飾演古天樂細佬嘅佢，更加系因為劇集與古天樂結下一段深厚友情。
第二位——郭晉安《憨夫成龍》2002年、《阿旺新傳》2005年丁常旺（阿旺）
相信大家都唔會對呢個角色陌生，郭晉安當年甚至因為演得出色，令到觀眾覺得佢無論以任何其他角色登場，都不經意噉將佢認為阿旺。
第一位——劉松仁《大時代》方進新1992年
《大時代》作為經典劇，梗系有唔少經典角色，而劉松仁飾演畀欺壓嘅弱智人士，更加系鬼咁出色，唔少人睇到佢畀欺壓時都恨到咬牙切齒。
Like MisshkNews Facebook！不出门也能知天下事～
